ياصديقي

يا صديقي .. كل حزن يفرح الشمات ؟ خبه
ودك إن اللي يعاني ؟ ما يقول إنه يعاني
لو بسولف بتعبي و أسمع اللي ماتعب به
كني اللي حط فوق الجرح الأول ؟ جرح ثاني
الأكيد إن الليال .. أوضح من اللي كنت أحبه
والدموع .. أصدق من البسمات في يوم التهاني
لا تلوم اللي لقى الغربة .. و لا حن لمربه
وأنت واقف من ورى الأبواب و أسوار المباني ؟
يوم شفت إن الصداقه مصلحة و الحب هبه
قلت .. ربي لا تذرني فردا و تحفظ اخواني
واعتزلت الناس .. كن بيني و بين الناس غبه
لا حبيب ولا صحيب و لا ضفاف و لا مواني
الحياة .. المستقرة و الأمور .. المستتبه
والله إنها تغني من .. أحلام و آمال و أماني
كنت أمر .. بحزن لا يوصف و حال ما يشبه
جعل ربي ما يحط إنسان غيري في مكاني !

بدر بن ذنبوح