تعبت أسافر
تعبت أسافر في عروقي ومليت
من جلدي اللي لو عصيته غصبني
يا ما تجاوزت الجسد واستقليت
عن الألم .. لاشك جرحي غلبني
أنا سجين الحال .. مهما تسليت
وأنا الطليق وكل شيٍ قضبني
حريتي لاعل .. يا كود ياليت
ما شفت حي جاد لي ماسلبني
وليت يا ليل التباريح وليت
اما محاني الحزن والاكتبني
كل السما في دفتري وإن تجليت
مثل الشموس .. غبار قبري حجبني
لي صاحب وإن ما تخلى تخليت
لا بد ما نهدم .. ولا بد نبني
بدر بن عبدالمحسن